ஆகாயத்திலே இது
பறக்குது, என்றும்
அண்ணாந்து
பார்க்கத் தோணுது..
மனிதன் கண்டறிந்த
இயந்திரப் பறவை
இலகுவாய் இணைத்திடும்
மிக நீண்ட தொலைவை..
வசதியுள்ளோரின்
விரைவு வாகனம், ஆனால்
ஏழைக்கு என்றும்
எட்டாத வாகனம்..
ஓடு பாதையில் இதன்
ஓடும் வேகம், உள்ளே
உட்கார்ந்திருப்போர்க்கு
தந்திடும் கலக்கம்..
மேகத்தைக் கிழித்து
மேலேறும்போது நம்
தேகம் சிலிர்த்து சிறு
மயக்கத்தை தாரும்..
வகை வகையான
வான ஊர்திகள்
வசதிக்கேற்ப அதில்
உல்லாச இருக்கைகள்..
அதிர்ந்துப் பேசாத
பணிவிடைப் பெண்கள்
செவிலியம் செய்திடும்
அழகு பொம்மைகள்..
ஒவ்வொரு முறையின்
பயணத்தின் போதும்
நம் குழந்தை மனதினை
கோடிட்டு காட்டும்..
பேருந்தாயினும்
விமானமாயினும், எவரும்
உட்கார நினைப்பது
ஜன்னல் இருக்கையில்..
அன்று
ராவணன் சென்றது
புஷ்பக விமானம்,
இன்று
ரைட் சகோதரர்களின்
ஆகாய விமானம்..
அன்பன், ஆர்.வீ. பாலா
28.11.16..
No comments:
Post a Comment