புல்லட் பயணம்
பல நாள் கனவொன்று
நனவானது எனக்கு
புல்லட் ஓட்டுவது இன்று
மெய்யானது..
அதிக விலையினால்
ஆதங்கப் பட்டதுண்டு
அழகாய் அதில் அமர
ஆசையும் பட்டதுண்டு..
கிடைத்த சந்தர்ப்பத்தை
நழுவ விட்டு விடாமல்
வண்டியில் ஏறியமர்ந்து
சாலையில் பயணித்தேன்..
ஸ்கூட்டிகள் யாவும்
சின்னதாய் தெரிந்தது
பேருந்தின் பக்கத்தில்
பெரிதாய் இருந்தது..
நான்கு சக்கர வாகனத்தில்
நலுங்காமல் பயணித்தும்
புல்லட்டில் பயணிப்பது
சும்மா நச்சுன்னு இருந்தது..
என்னையும் அறியாமல்
எண்பது நூறு வேகத்தில்
வண்டியை செலுத்தியதை
விவரிக்க வார்த்தையில்லை..
அலுப்பெடுக்காமல்
நாற்பது மைல் ஓட்ட
வாய்ப்பளித்த எனது
நண்பனுக்கு நன்றி..
அன்பன், சிதம்பரம் ஆர்.வீ. பாலா
22.08.18
No comments:
Post a Comment