அண்ணாச்சி கடை !

!! அண்ணாச்சி கடை !!
!! சூப்பர் மார்கெட் !!

தெரு முனையின்
அண்ணாச்சி கடை..

புதிதாக தெருவினுள்
வருவோர் எல்லாம்
விலாசம் விசாரிக்கும்
இலவச மையம்..

அரிசி - பருப்பு வாங்கும் போது
கூட வரும் குழந்தைகளுக்கு
கொசுறு மிட்டாயும் தருவார்..

சக்கரையையும் கட்டுவார்,
வீட்டின் நலம் விசாரித்து மிக
அக்கரையும் காட்டுவார்..

விசாவும், மாஸ்டர் கார்டும்
வருவதற்கு முன்னே
மாதத் தவணையில்
மளிகை சாமான் தந்திட்ட
கிரெடிட் கார்டு மனிதர்..

அன்று
சீட்டினில் எழுதி வைத்த
மளிகை மட்டுமே
வீட்டினில் வந்தது;
இன்று
சூப்பர் மார்க்கெட்
வந்த பின்னர்
கண்ணில் பட்டதெல்லாம்
பையினுள் வந்தது..

பணத்தையும் பதம் பார்த்தது..

பெட்டிக்கடை பூட்டிக்
கிடக்குது, இந்த சூப்பர்
மார்க்கட்டு ஓங்கி நிக்குது..

சூப்பர் மார்க்கட்..

பாக்கெட்டில் அடைத்து வைத்து
பார்ப்பவரை கவர வைத்து
பட்ஜட்டை மீற வைக்குது, இந்த
பிளாஸ்டிக் பணம் பதற வைக்குது..

சூப்பர் மார்க்கட்டு, இது
என்றுமே வைக்கும் நமது
சேமிப்புக்கு பெரும் வேட்டு..

பிக் பஜார் கவுண்டர் வரிசையில்
கால் கடுக்க நிற்கும் போது எழுதியது..

அன்பன், ஆர்.வீ. பாலா..
13.12.16..