Dr. அபிநயா (ஸ்வேதா)
எங்கள் இல்லத்து
இளவரசி இன்று
மருத்துவம் படித்த
மகராசி.
நோக்கத்தில்
தெளிவிருந்தால்
எட்டும் முயற்சியில்
வெற்றியும் கிட்டும்.
ஆம் எங்கள்
அபிநயாவும்
அப்படித்தான்.
ஆட்டம் பாட்டம்
எல்லாம் ம(து)றந்து
தவமாக தன் படிப்பை
வரமாகப் படித்தவள்.
தன் வயதொத்த
சிறுமிகளிடமிருந்து
தனித்து ஒதுங்கி நின்று
ஜெயித்து காட்டியவள்.
இவ்வரிகளை படிக்க
மிகவும் சுலபமாயிருக்கும்
அவள் கொண்ட வலிகளை
பார்க்க கடினமாயிருக்கும்.
எவ்வளவு தியாகம் இன்று
பட்டத்தைத் தந்தது என்பது
அவளோடு கூடவே இருந்த
பெற்றவர்களுக்குத் தெரியும்.
ஆர்ப்பாட்டம் கிடையாது
அடம் பிடிப்பது கிடையாது
அலங்காரம் கிடையாது
அகங்காரமும் கிடையாது.
எனது அண்ணன் மகள்
அபிநயா (ஸ்வேதா )
இன்று பட்டம் பெற்ற
மருத்துவர்.
இதை விட பெருமை
எங்களுக்கு இல்லை
எள்ளளவும் அவளுக்கு
தற்பெருமை இல்லை.
இன்னும் பல உயரம் எட்டி
இந்நாட்டிற்கும் வீட்டிற்கும்
மருத்துவத் தொண்டாற்ற
வேண்டி வாழ்த்துகிறேன்.
🌷🌷🌷🌷🌷🌷🌷🌷🌷🌷
அன்புடன் பாலு...
No comments:
Post a Comment